بالصور: ‘الدب’ يهاجم ‘الهيبة’ وينسحب من العمل

هاجم السوري سامر الكحلاوي الفريق الإخراجي في مسلسل “الهيبة – العودة”، متهماً بالعمل على اقصائه.

وقال الشاب الذي اشتهر بشخصية “الدب”: “لمّا الناس عم تسألني ليش الدب مهمّش ومشاهدو سريعة وخاطفة.. وليش الكاميرا عم تاخد الدب من بعيد بلقطات عامة وميديوم، والكلوز نادرًا ما يتّاخد لألو، عكس باقي الشخصيات اللي آخدة كل وقتها قدام الكاميرا، والكلوز ما بقارقها (ابن المهنة بيعرف شو بقصد)، علمًا إنو الدب أنا شاغلو عالعيون أولًا، (يعني الكلوز لازم يكون أساسي بالإخراج لهيك نوع من الشخصيات الدرامية)، وهالشي غير القصقصة والحذف لمشاهد الدب أثناء المونتاج”.

وأضاف: “فـ لازم جاوب… تهميشي مقصود، وسببو خلافات شخصية مع كل كاست الإخراج أثناء التصوير، وبالأخص باسم السلكا اللي استلم إخراج مشاهد الدب بهالطريقة الكيدية، من دون أدنى احترام لجمهور الدب.. ما حدا فيهم بدو سامر كحلاوي يسرق الضو، ويصير صف أول (رح صير غصب عنكم)”.

وختم قائلاً: “تجربة العمل مع سامر البرقاوي لن تتكرر أبدًا.. شركة الصبّاح المحترمة بريئة من هذا الكلام.. وداعًا هيبة3”.