وفـــــاة رولا ابنة الـ13 عاماً…إنخســـــفت الارض وهي نائمة وسقطت في فجوة من مياه المجارير

القصة المـــــؤثرة التالية جرت ليل امس في حي السلم :

الاسم : رولا علي تركي بحلق

العمر: 13 سنة

القصة صارت مبارح الساعة 2 باللّيل

الكل نايم بالبيت بمنطقة “حي السلم” البيت طابق أرضي (4 ولاد صغار) بغرفة والأم والأب بغرفة والجد والست بغرفة تالتة .. بيوعى الحي ع صريخ الأم عم تقول بنتي ماتـــــت ..

بنتي فطـــــست ..

بتتفاجىء الأم ان الارض لي هي اصلا خشب (باركيه) خافسة والخزانة ع تقلها واقعة ع بنتها والمفاجأة الأكبر بيكتشفوا ان الأرض تحتها دغري ريكار (صرف صحي – مجرور)

وبما ان ما في كهربا الأم ع ضو التلفون عم تتفقد ولادها لتغطيهن بتشوف ايد بنتا بس مبينة وريحة مجارير بكل البيت وباقي الولاد على الأرض وكل الأرض مجارير

صارت تصرخ لتوعيهن .. رح تسألوني عن الأب يلي من فتره صغيرة تعرّض لضرب ع راسه من مجموعة من الشباب الزعران يلي بالحي فات (Coma) ،

ما قدر حتى يوقف ع اجريه ما ضل حدا الا ما اتصلوا فيه ليسحبوا البنت واذ بكون الجواب ( حي السلم ) مش تابع لأي بلدية حتى بلدية الشويفات، ولا اسعاف اجت ولا اي حدا تحرك ..

نعتذر على قســـــاوة القصة لي حتى بالافلام ما بتصير

الله يرحم رولا ويصبّر قلب أهلها